حداية القمشان : في زواج أبناء الشيخ مرضي بن فرج الله بن سويد – راضي وعبدالله بقصر درة المملكة بالرياض ١٤٣٧/٥/٢٣

سلام يالضبطان ونعم الجميع ولا نخصي
جينا على الدعوه ولامنها اعتذار ولا منصي
يستاهل التقدير ابو فايز فعوله ما تحصي
الله يبارك له زواج ابناه عبدالله وراضي
والثانيه حنا عيال قميش ساس المجد كله
والجد شالح نفتخر به يوم كلن في محله
نمشي على درب الصواب ومن يخالفنا ندله
وعيال شالح كلهم عصبه ولا فيه اعتراضي
والثالثه وش بنت مخطوفه وخاطفها غريبي
وشاوروها فأمرها والبنت عيت لا تجيبي
خواتها واحد وعشرين ومفارقها صعيبي
ومردها ترجع لأهلها والخبر عند الرياضي

رد الضبطان :

يامرحبا ترحيبة الواجب ويلحقها توصي

ياعزوة ميقافها ماهو على نصن ونصي

انتم وحنا في مواقفنا نقص العظم قصي

حياكم الله عد ماتنبت نباتات الفياضي

الثانيه والنعم فيكم مجدكم من مجدنا والخير كله

لجدودنا وجدودكم والضيف والله مانمله

الحق حنا نقطعه والسيف عادتنا نسله

وعيال شالح مع بعظهم في القرى والا الرياضي

والثالثة بنت العرب ماللعرب فيها نصيبي

ياكود في وقفة تخلص للطليب من الطليبي

لبنان خاطفها الخميني ياعسى نجمه يغيبي

هذا هو الحل الصحيح مصدرن حكمه من الحكام قاضي